Golaha Wasiiradda ayaa isku raacay in Wasaaradda Arrimaha Dibadu go’aan ka gaarto cida qaadanaysa Basaboorka diblomaasiga.

Muqdisho, July, 10, 2014….Ra’iisul Wasaaraha Xukuumadda Federaalka Soomaaliya mudane Cabdiweli Sheekh Axmed Maxamed, ayaa maanta shir guddoomiyey kulankii caadiga ah ee Golaha Wasiirada, waxaana looga hadlay arrimo dhowr ah oo ku saabsan xaaladda dalka, iyadoo goluhu cod aqlabiyad ah ku ansixiyeen magacaabista Wasiirka amniga Qaranka iyo Taliyayaasha Ciidamadda Booliska iyo Nabad-sugidda oo dhawaan uu magacaabay Ra’iisul Wasaaruhu.

Kulanka markii uu soo dhammaaday kaddib, waxaa Saxaafadda la hadlay Afhayeenka Xukuumadda Ridwaan Xaaji Cabdiweli, waxaana uu sheegay goluhu inuu meel mariyay sharciyo muhim u ah dowladnimada Soomaaliya, isla markaana uu soo afmeeray doodii la xiriirtay Maamulka Baasaboorka Diblumaasiga cida xaqa u leh qaadashadiisa, iyadoo goluhu isku raacay in Wasaarada Arrimaha Dibaddu ay tahay mida go.aanka ka gaaraysa cida qaadanaysa Baasaboorka Diblumaasiga ah. waxaana afahayeenku xusay in arrintan looga golleeyahay sidii lagu soo celin lahaa sharafta iyo hanaanka loo marayo qaadashada Baasaboorka.

Ra’iisul Wasaare Cabdiweli oo kulanka golaha ka hadlay ayaa sheegay is badalka lagu sameeyay laamaha ammaanka dalka wax badan inuu ka badali doono falalka waxashnimo ee kooxaha Nabad-diidku geysanayaan.
“Isbadalkan ay Xukuumaddu qaaday waxaa uu ujeedkiisu yahay in si dhab ah oo kalsoonida bulshadu ay ku jirto wax looga qabto falalka lidiga ku ah amniga ee Nabad-diidku ay geysanayaan” ayuu yiri R.W Cabdiweli Sheekh Axmed.

Sidoo kale markii uu goluhu dhegeystay soo-jeedinta wasaaradda Amniga Qaranka, isla-markaasina uu dood ka yeeshay, ayuu isku raacay ansixinta soo-jeedinta wasaaradda Amniga ee ku aaddan sharciga la dagaalanka Argagixisada, iyadoo sharcigan horay loo ansixiyay balse isbadallo lagu sameeyay qodobo loo arkay muhiim.

“Way adagtahay in argagixiso laga guuleysto haddii aan si huffan loo qeexin sharcigan oo baahi badan loo qabo, sharcigani wuxuu fursad u siinayaan dowladdu in ay la dagaalanto kooxaha dalka dhibaatada ka wada oo hadda uusan jirin sharci qeeyaxa qaabka dowladdu u wajahayso dagaalkooda” ayuu yiri Wasiirka Amniga Qaranka.

Ugu dambeyn, Golaha Wasiirada ayaa hal darajo dalacsiiyay askarigii fashilayay weerarkii kooxaha Argagisadu kusoo qaadeen dhismaha Madaxtooyada dalka oo lagu magacaabo Maxamed Axmed Cabdi , waxaana sidoo kale abaal marin la guddoon siinayaa askartii kale ee howlgalka ka qeyb qaatay.

—DHAMAAD–

Comments

  1. Warsame Khalaf says

    Somali Villa at Mogadishu is not for Somalia and its unresolved national problem that is threatening somalia as a people united under one nation.
    Something is wrong with the Federal G and Villa Somalia, this needs study and investigation from the Top people to Tail.

    There is organised crime in Villa Somalia, which needs to understand who and what he/she does. There is strong mistrust and criminal activities which could derail the whole Federal Government.

    There is no hope for Federal Government to resolve somali problems or to unit the country if the clan based organised crime in the Villa Somalia continue to exist there.

    I believe attempt to eliminate the PM Abdi Wali came from the Top, it is not something organised by Al-shabab.

    Where this problem is coming from, why this crime in coming again and again, from killing of Faysal to now. The top in the Somali Villa is behind all these?

    PM Abdi Wali showed a very good leadership, and actively involved to resolve Somali problem, therefore it is time to eliminate him, but who is behind this attempt? the Top person!!

Leave a Reply

Your email address will not be published. Required fields are marked *