Waxqabadka Dowladda ee Usbuucii la soo dhaafay

Mogadishu, 12 July 2014 – Wasiirka Warfaafinta Mudane Mustafa Sheikh Ali Dhuhulow oo maanta Muqdisho kula hadlayey warbaahinta ayaa siiyey warbixinta horumarka Dowladda ee usbuucii la soo dhaafay. Wasiirka ayaa ka hadlayey arrimo ay ka mid yihiin, Weerarkii Madaxtooyada 8dii July, Isbedello lagu sameeyey madaxda Hay’adaha Amniga, Shirka Wadatashiga Xeerka Saxaafadda, Qorshaha dib u kabashada iyo Horumarinta Beeraha Soomaliya, tababar loo fidiyey shaqaalaha Wasaaradda Haweenka & Xaquuqul Insaanka, Hindise Sharciyeedka La dagaalanka Argagaxisada iyo baaq ku wajahan bisha Ramadanka.

Wasiirka Warfaafinta oo ka hadlayey falkii weerarka ee Madaxtooyada ayaa yiri “Gaari Noha ah oo uu waday shaqsi lagu magacaabo Hassan ayaa gudaha u soo galay Madaxtooyada isagoo gaariga ku waday 3 ka mid ah maleeshiyaadka Al-Shabaab oo watay dharka ciidanka dowladda. Ciidanka Madaxtooyada ayaa ka shakiyey 3dan qof, oo halkaas oga hortagey qorshahoodii. Askarigii ka hortagey ayaa hal darajo la dalacsiiyey, abaalmarina loo ballanqaaday. Gaarigii ayaa albaabka Madaxtooyada ku qarxay. Ciidanka Madaxtooyada ayaa ka hortagay in maleeshiyaadkaas ay howgalkooda ku guuleystaan oo dhammaantood halkaas lagu dilay. Darawalkii fududeeyey falkan ayaa gacanta ciidanka ku jira. Waxaan ku ammaanayaa ciidanka dowladda oo runtii hor istaagay falkan iyagoo gudanaya waajibaadkooda qaran.”

Wasiirka Warfaafinta oo ka hadlayey isbedellada Hay’adaha Amniga dalka ayaa yiri “Ra’iisul Wasaaraha Xukuumadda Mudane Cabdiweli Sheekh Axmed, ayaa xeeriyey in Wasiirka Amniga Qaranka loo magacaabay Khalif Axmed Ereg oo aqoon u leh arrimaha amniga oo uu in muddo ah ka soo shaqeynayey. Sidoo kale waxaa xilalkii laga qaaday Taliyihii Booliiska S/Guud Cabdixakim Dahir Saacid iyo Taliyihii NabadSugidda S/Gaas Bashir Maxamed Jama. Waxaana loo magacaabay Taliyaha Booliska S/Guud Maxamed Sheekh Xasan Ismail oo aqoon fiican u leh arrimaha Booliiska. Agaasimaha Hay’adda Nabad-Sugidda waxaa loo magacaabay Cabdullahi Maxamed Cali (Simblooshe). Ujeedada isbedelkan hay’adaha amniga ayaa ah in la dar-dargeliyo howlaha amniga iyo xasilinta dalka. Si amniga caasimadda dalka uu u noqdo mid hagaaga ayaa waxaa la faray Wasiirka Amniga Qaranka in Taliyeyaasha Booliska iyo Nabadsugidda ee Gobolka Banadir ay si toos ah u hoos tagaan Guddoomiyaha Gobolka Banadir si ay u sahlanaato wadashaqeynta hay’adaha amniga iyo Maamulka Gobolka Banadir.”

Wasiirka Warfaaftina oo ka hadlayey Shirka Wadatashiga Xeerka Saxaafadda ayaa yiri “7dii iyo 8dii July waxaa noo qabsoomay la tashiyo lala sameynayey qebaha kala duwan ee warbaahinta iyo bulshada rayidka ah. Ujeedada ayaa ahyed in Xeerka Saxaafadda la lafaguro isla markaana tallooyinka iyo aaraada bulshadana la tixgeliyo si Xeerka uu u noqdo mid u daneeya danaha Saxuufiyiinta Soomaaliyeed isla markaana qeexa waajibaadka iyo xaquuqda saxuufiyinta Soomaaliyeed. Ra’iisul Wasaaraha Dalka ayaana shirka furay 7dii July. Wasaaradda Warfaafinta waxaa ka go’an in Xeerka Saxaafada uu noqdo mid dhammaan qeybaha ay khuseysa ay fursad u helaan ka hor inta aan la ansixinin. Dhowaan ayaa loo gudbin doonaa golaha wasiirada si ay u ansixiyaan, ka dibna waxaa loo gudbin doonaa Baarlaamanka.”

Wasiirka Warfaafinta oo ka hadlayey Qorshaha Dib u kabashada Beeraha Dalka ayaa yiri “Wasiirka Beeraha Mudane Cabdi Axmed Baafo ayaa 7dii July kormeer ku tagey Degmada Afgoye si uu ugu soo kuurgalo xaaladda beeraleyda Soomaaliyeed, dalagyada beeraha iyo isagoo kormeeray Xarunta Cilmibaarista Beeraha Afgoye oo wasaarada Beeraha Dooneyso inay dib u howlgeliso.

Wasiirka Beeraha ayaa sheegay inuu doonayo in Beerihii Wasaaradu ku laheyd Degmada Afgoye iyo xarumihii Wasaaradda dib loo howlgelin doono. Qorshaha Dowladda ayaa ah in la dhiirigeliyo beeraleyda Soomaaliyeed si xilliga dib u kabashada loo gaaro horumar ballaaran oo horumariya dhaqaalaha iyo isku filaanta dalka.”

Wasiirka Warfaafinta oo ka hadlayey tababar kor loogu qaadayo tayada dumarka Soomaaliyeed ayaa yiri “Wasiirka Haweenka & Xuquuqul Insaanka Marwo Khadija Maxamed Dirie ayaa tababar 3 cisho soconayey u qabatay shaqaalaha Wasaaradda oo ku wajahan sidii looga hortagi lahaa tacadiyada loo geysto dumarka, gaar ahaan kufsiga. Hay’adaha UNFPA iyo UNICEF ayaa Wasaaradda kala shaqeysey tababarkan. Ujeedada tababarkan ayaa ahaa in shaqaalaha Wasaaradda Haweenka iyo Xaquuqul Insaanka ay helaan xirfadihii u sahli lahaa in la joojiyo tacadiyada dumarka loo geysto. Dowladda Federaalka waxaa ka go’an in la illaaliyo sharafka muwaadiniinta Soomaaliyeed oo laga hortago dhammaan tacadiyada loo geysto muwaadiniinta Soomaaliyeed.”

Wasiirka Warfaafinta oo ka hadlayey Hindise Sharciyeedka La Dagaalanka Argagaxisada ayaa yiri “10kii July ayuu golaha wasiiradu ansixiyey Hindise Sharciyeedka La Dagaalanka Argagaxisada oo ah markii ugu horreysey ay Soomaaliya yeelaneyso sharcigan. Waxaana dhowaan loo gudbin doonaa Baarlamaanka si uu uga doodo una ansixiyo. Ujeedada Sharcigan ayaa ah in maxkamadaha dalka helaan sharcigii qeexayey tallaabada laga qaadayo cid allaale iyo cidii lagu helo falal argagaxiso ah. Sharciyada dalka ee hadda jira ma qeexayaan danbiyada sida gaar ah ay argagaxisadu u fuliyaan. Sharcigan waxuu keenayaa in dadka argagaxisada ah ay muteystaan ciqaabta ay mudan yihiin. Arrinkan ayaa ah tallaabo loo qaaday dhanka sugidda amniga iyo la dagaalanka kooxaha argagaxisada ah.”

Wasiirka Warfaafinta oo ka hadlayey Baaqa Bisha Ramadanka ayaa yiri “Waxaan mareynaa bartamihii bisha barakeysan ee Ramadan, waxaan jeclaan lahaa in shacabka ugu baaqo inay muhiim tahay inaan is caawino oo deriska iyo kuwa aan waxba heysan la taakuleeyo, isla markaana la xasuusto in maalmaha ciidda loo baahanyahay inaan dhammaan carruurteenna ka wada farxino oo ay helaan farxad ay ku ciidaan. Waxaan aad iyo aad ugu mahadcelinayaa dhammaan hay’adihii dowliga iyo kuwii aan dowliga aheyn oo raashin iyo timir gaarsiiyey dadkii tabaaleysnaa, waana inaan sii xoojino dadaaladan.”

DHAMMAAD

Wasaaradda Warfaafinta
Muqdisho, Soomaaliya

Comments

  1. CumarGeri says

    Horaa loo yidhi Runtu raga way ka nixisaa , waxan aad ula yaabay ciwaanka maqaalkan ee ah
    WAXQABADKA DOWLADA USBUUCII LA SOO DHAAFAY!!!! Sidii ay dowladu tahay dowlad jirtay hal usbuuc.

    runtu waxa ay tahay in ay ka hadlaan FASHILKA DOWLADA INTII AY TALADA HAYSAY. AMA LA SOO QORO , Madaxweyne hurdo laani ku dhacday kadib markii usbuucii hore gurigiisa lagu weeraray.

    tani igama aha ceebeyn madaxweyne , laaakin ogsoonow muwaadinka somaliyedow in madaxweynuhu yahay ninkan masuuka ka ah dalka oo dhan.

    hadaba dib u dhaca ay samaysay dowadu waxa aad wax uga qoray aqoon yahay FAISAL ROBLE , isaga oo waliba soo ban dhigay sida ay dhibkaas uga bixi karto

    Mahmaah ingriis ah ayaa tidhaa AN UNDERSTOOD PROBLEM IS HALV SOVLED. Ama dhibka marka aad ogtahay baad dawadiisa heshaa. waxa sharaf leh in uu had iyo jeer aqoonyahana somaliyeed qaarkood sheegaan dhibta umada somaliyed iyo sida lagu xalin karo.

    halkan ka aqriso qoraaladii uGu danbeeyey ee aqoonyahan faisal robe

    vhttp://www.wardheernews.com/president-hassans-fading-political-footprint/

    http://www.wardheernews.com/madaxweyne-wiiqmay-iyo-maalmo-horleh/

    Koley waxa hubaal ah in aan shacabka been loo sheegi Karin manta , waxase la yaab ah iyada oo la ogyahay amaandarada muqdisho iyo waxqabad la aanta dowlada dhexe in manta ay yidhaahdaan WAXQABADKII DOWLADA EE USBUUCII LA SOO DHAAFAY.

    Miyay ka hadlaan dib u dhicii ay dowladu samaysay intay jirtay iyo amaan la aanta madaxtooyada hoyga madaxda.

    runta marka laga hadlo , dowlada dhexe ee xamar waxa ay ku guuldaraysatay

    1. nabadeynta dalka gaar ahaan xar
    2. ka war haynta gobolada dalka iyo xidhiidhka dowlada dhexe iyo dowlad goboleedyada
    3. xaq raadinta iyo xaqsoorka umada somaliyed
    4. dib u dhiska dalka
    5.- u doodista umada somaliyed ee ku dhiban dibada , sida yemen , sucuudiga, Libya , suudan .
    6- nolol u helida qaxootiga ku ah qaxooti dalkooda dhexdooda internal displaced people oo xataa ceelasha biyaha xamar dusheeda ku gaajoonaya.

    iyo qaar kaloo badan

    Marka manta ma joogto xukuumada Xasan sheikh in ay ka hadasho horumarkii usbuuci la soo dhafay.

    khashifaad ku dhaxday dowlada xasan sheikh xataa dalalkii deriska ahaa baa ka quustay oo hada aan waxba ku darsan

    alow Somali u keen madax wadani ah oo hawl kar ah

  2. CumarGeri says

    Horaa loo yidhi Runtu raga way ka nixisaa , waxan aad ula yaabay ciwaanka maqaalkan ee ah WAXQABADKA DOWLADA USBUUCII LA SOO DHAAFAY!!!! Sidii ay dowladu tahay dowlad jirtay hal usbuuc.

    runtu waxa ay tahay in ay ka hadlaan FASHILKA DOWLADA INTII AY TALADA HAYSAY. AMA LA SOO QORO , Madaxweyne hurdo laani ku dhacday kadib markii usbuucii hore gurigiisa lagu weeraray.

    tani igama aha ceebeyn madaxweyne , laaakin ogsoonow muwaadinka somaliyedow in madaxweynuhu yahay ninkan masuuka ka ah dalka oo dhan.

    hadaba dib u dhaca ay samaysay dowadu waxa aad wax uga qoray aqoon yahay FAISAL ROBLE , isaga oo waliba soo ban dhigay sida ay dhibkaas uga bixi karto

    Mahmaah ingriis ah ayaa tidhaa AN UNDERSTOOD PROBLEM IS HALV SOVLED. Ama dhibka marka aad ogtahay baad dawadiisa heshaa. waxa sharaf leh in uu had iyo jeer aqoonyahana somaliyeed qaarkood sheegaan dhibta umada somaliyed iyo sida lagu xalin karo.

    halkan ka aqriso qoraaladii uGu danbeeyey ee aqoonyahan faisal robe

    http://www.wardheernews.com/president-hassans-fading-political-footprint/

    http://www.wardheernews.com/madaxweyne-wiiqmay-iyo-maalmo-horleh/

    Koley waxa hubaal ah in aan shacabka been loo sheegi Karin manta , waxase la yaab ah iyada oo la ogyahay amaandarada muqdisho iyo waxqabad la aanta dowlada dhexe in manta ay yidhaahdaan WAXQABADKII DOWLADA EE USBUUCII LA SOO DHAAFAY.

    Miyay ka hadlaan dib u dhicii ay dowladu samaysay intay jirtay iyo amaan la aanta madaxtooyada hoyga madaxda.

    runta marka laga hadlo , dowlada dhexe ee xamar waxa ay ku guuldaraysatay

    1. nabadeynta dalka gaar ahaan xar
    2. ka war haynta gobolada dalka iyo xidhiidhka dowlada dhexe iyo dowlad goboleedyada
    3. xaq raadinta iyo xaqsoorka umada somaliyed
    4. dib u dhiska dalka
    5.- u doodista umada somaliyed ee ku dhiban dibada , sida yemen , sucuudiga, Libya , suudan .
    6- nolol u helida qaxootiga ku ah qaxooti dalkooda dhexdooda internal displaced people oo xataa ceelasha biyaha xamar dusheeda ku gaajoonaya.

    iyo qaar kaloo badan

    Marka manta ma joogto xukuumada Xasan sheikh in ay ka hadasho horumarkii usbuuci la soo dhafay.

    khashifaad ku dhaxday dowlada xasan sheikh xataa dalalkii deriska ahaa baa ka quustay oo hada aan waxba ku darsan

    alow Somali u keen madax wadani ah oo hawl kar ah

    Talada uGu fiican waa koley cumaamadu kaa dhacdaye bal isaga deg jagada madaxweyne, kursiga ka kac , rag soomali wax u qabtaa ha ku fadhiistaane.

    WE ARE WAITING A NEW PRESIDENT THAT WILL GIVE HOPE OF LIFE,JUSTICE,EDUCATION TO ALL SOMALI CITIZENS. ONE THING IS SURE THE DAYS OF PRESIDENT HASSAN SHEIKH IS OVER.

  3. Garyaqaan says

    Dowladi heer ma gaadhi karto kamana guulaysan karto cadow gudaha iyo dibadaba hadii ayna aad iyo aad u dhisnay ciidanka sirdoonka gaar ahaan sirdoonka milateriga taas waxa yidhi Geesigii Gen. cali samatar mar laga waraystay sida looga bixi karo dhibka hada ka jira dalka gaar ahaan Muqdisho.

    Waa arin run ah oo qof kasta oo aqoon lihi fahmi karo in intelligence aad ka hayso cadowga uu yahay kan ay ku xidhan tahay guushadu.

    Dowlada dhexe ee President Xasan sheikh taas ayay ku guul daraysatay in ay dhisto laanta sirdoonka milateriga oo tayo leh.

    halkan waxa taas cadeyn u ah markii dhawaan la qarxiyey Madaxtooyada ee xata madaxweynuhu uu yidhi anigu maan qixin ee waan joogaa.

    maxaa suurto galiyey arinkaa?

    Sida laga soo daayey Warbahinta qaranka , waxa howshan fududeey nin la yidhaa Xasan oo laga yaqaanay madaxtooyada isla markaana aan la baadhi jirin CAJIIB. Ninkas oo kaliya lagu sii deyn jiray wajigiisa iyo isaga oo laga yaqaan meesha.- waxa cajiiba in qofka lagu siidaayo Garasho , su aashu wa madaxtooyadu ma waxay noqotay xaafad tolku soo booqan karo , keenina karo cadowkasta

    halkan ka daawo arinkaas oo laga waraystay ninkii fududeeyey wixii ka dhacay madaxtoyada

    http://hogaan24.com/daawo-video-waraysi-iyo-warbixin-tv-ga-dawlada-2/

    arinkani waa arin yaab leh . marka su aashu waa ma dowladaas madaxtooyada difaaci kari lah baa laga rabaa from saylac to raas caseyr to raas kaambooni in ay nabad ka dhigto

    ceeb baaa ka dhacday walee

    dunida marka ay arinkan oo kale dhacaan waxa la qataa masuuliyadeeda oo madaxweynuhu wuu is casilaa , ma kula tahay in xasan sheikh odhan doono anigu xilkii waan ka soo bixi waayey wanan is casiley. hadii uu is casili waayo ma lagu sugayaa wuxuu 2 sano ku qaban waayey in uu usbuuc ku qabto

    kaaf iyo kala dheeri

Leave a Reply

Your email address will not be published. Required fields are marked *