Madaxweyne Gaas oo Addis Ababa kula shiraya Midowga Yurub, IGAD iyo beesha caalamka (Sawirro)

Madaxweynaha Puntland,Cabdiweli Maxamed Cali Gaas ayaa wali ku sugan dalka Itoobiya gaar ahaana magaalada Addis Ababa,waxaana halka ku soo dhaweeyey mas’uuliyin ka tirsan dalka.

Madaxweynaha ayaa safarkiisa waxaa ku weheliya wasiirka caafimaadka Dowladda Puntland Dr. Saadiq Eenow, Xildhibaan Siciid Lugood iyo saraakiil ka tirsan madaxtooyada Dowladda Puntaland.

Madaxweyne Dr. Cabdiweli ayaa waxaa uu kulamo gaar gaar ah la yeelan doonaa masuuliyiinta Dawlada Ethiopia, Midowga Yurub, Urur goboleedka IGAD iyo xubno ka tirsan Beesha Caalamka.

Madaxweynaha oo mudo saddex maalmood ah ku suganaan doona caasimada Dalka Itoobiya ee Addis-Ababa ayaa waxaa uu sidookale la kulmi doonaa Ha’yado caalami ah iyo Ururada Samafalka ee Saldhigoodu yahay Magaalada Addis-Ababa, kuwaasi oo uu kala hadli doono harumarinta arimaha bulshada iyo sidii wax loola qaban lahaa shacabka reer Puntland.

Sidoo kale Madaxweynaha ayaa waxaa uu la kulmi doonaa, Jaaliyada Puntland iyo masuuliyiinta Jaaliyada Puntland ee dalkaasi Itoobiya, kuwaasi oo uu uga xogwarami doono xaaldu guud ee Puntland.

640x360x20140822_121841.jpg.pagespeed.ic.gXQrgFbbqN640x360x20140822_121549.jpg.pagespeed.ic.KoYQFp3WKuimage-880b28d5f8f808328c6c51feca7276d1e4e7dd12966bd5e00548808ac97e90d5-V

Puntland-News24.com