Madaxwaynaha dowladda faderaalka Soomaaliya Maxamed Cabdulaahi Farmaajo ayaa gaaray wadanka Isutaga Imaaraatka Carabta oo ay maalintii shalay gaareen wafdi horudhac u ah booqashadiisa oo uu hogaaminayo wasiirkiisa arimaha dibadda Yuusuf Garaad Cumar.

Waa safarkii afaraad oo muddo lixdan cisho gudahood madaxwaynaha uu bixiyo , isagoo xafiiska jooga waqti kooban.

Wararka laga helayo socdaalkan ayaa sheegaya inuu la xiriiro sidii uu ula kulmi lahaa madaxda dowladda Imaaraatka Carabta oo khilaaf xiligaan uu kala dhexeeyo dowladdiisa , sida la aaminsanyahay , taasi oo ay ka mid yihiin heshiiska magaalada Berbera ee Somaliland iyo dowladda Imaaraatka Carabta oo Imaaraatku doonayo inuu saldhig militari ka dhigto.

Dowladda Sacuudiga ayaa door ka qaadanaysa is-fahamsiinta labada dhinac.

Imaaraatka ayaa waxaa kusugan wafdi uu hogaaminayo madaxwaynaha Puntland oo la saxiixday shirkadda Po& Ports ee wadankaasi heshiis lagu balaarinayo dekedda Bosaaso , sidoo kalena lagu wareejinayo.

Puntland-News24.