Dowladda Puntland ee Soomaliya iyo dowladda Itoobiya ayaa isku afgartay heshiiskii ugu dambeeyey ee lagu doonayo in lagu furo kastam ganacsi ee Tuurdibi ee isku xiraya Puntland iyo dowladda Itoobiya , waxaana heshiiskan saxiixay guddiyo kala matalaya labada dhinac.

Dowladda Itoobiya ayaa u xilsaartay agaasimaha guud ee arimaha Afrika iyo IGAD Mr.Berhane Fisseha , halka guddiga Puntlandna uu hogaamiye u yahay wasiirka ganacsiga iyo warshadaha Puntland Cabdiwali Indho-guran.

Waxaa madasha goob joog ka ahaa wasiiru dowladaha arimaha dibadda Itoobiya iyo madaxwaynaha Puntland.

Kastam-ka Tuur Dibi waxaa laga hirgelinaya meel u dhow magaalada Galdogob, waxaana lagu micneeyay inuu halbowle u noqonayo xoolaha Puntland oo suuq ka hela Itoobiya iyo in badeecadaha dekedda Bosaaso lagaarsiiyo deegaanada Itoobiya ay maamusho.

Puntland-news24.