Cadde iyo Cabdullaahi Muddo Kororsi Laga Diiday Miyaa Cabdi-raxmaanow Lagaa Yeelaa ? [Faallo]

Magaalada Qardho ayaa hogaaminayasa ilaa iyo hada shacabka laga maqlayo isbedel baanu rabnaa, marka laga soo tago waxgarad iyo siyaasiyiin reer Mudug iyo reer Bari ah oo si aan soo shaac bixin arrimahan uga doodaya, inkastoo reer Qardho ay bannaanka iskeeneen AASHUUN ku addinkiina ka baxeen. 

Qardho kuma cusba hor-kicida dareemada xambaarsan isbedel doonka, waxaa lagu xasuustaa loolankii Cadde Muuse ay uga soo horjeedeen, iyagoo xukuumaddii madaxweyne Cadde si weyn u dhaliili jiray, laakiin C/laahi Yusuf waxay kala hortageen dagaal iyo dibad baxyo qaarkood dad badani ku dhinteen, sababta oo ah Marxuum Yusuf iyo ciidamadiisa waxaa lagu xasuustaa mar walba oo ay Qardho sii gudbayaan khasaare nafeed ayey geysan jireen oo waxaa ku dhamaan jiray shacab isbedel doon ah, Geeriduse u tahay Geesinimo.

Dedaalo Cade iyo Cabdulaahi Yusuf ku doonayeen inay xukunka ku korosadaan si xeeladeysan, waxaa laf dhuun gashay ku noqotay shacabka magaalada Qardho, oo bulshadeedu ku dhiiradaan kuna hadaaqaan halku dhigyo ISBEDEL-DOON iyo BAD-BAADADA PUNTLAND BAAN RABNAA. inkastoo madaxweyne Cade isagu marnaba ku talo gelin muddo korosi, balse sida ay qirteen rag ka tirsanaa golihiisii wasiirada iyaga ayaa dedaal noocaas ah gadaal ka riixayey, balse Cade Muuse marnaba afkiisa lagama hayo inuu doonayey muddo kororsi ka badan xilka xafiiska oo afar sanno loo asteeyey.

Dadweynaha Puntland qaarkooda sida weyn u taageera Madaxweyne Faroole ayaa kuu sheegaya in sababta ay u taageersan yihiin ay tahay sida xayiga ah ee uu ula garamo madaxda TFGda balse ay qirayaan in dalka iyo dadka intii uu joogay waxba uusan u qaban. Laakiin dad kale ayaa aaminsan in Puntland aysan u baahnayn hogaamiye mar walba faraha isku fiiq-fiiqaan siyaasiyiin kale, iyadoo adeegii bulshada, horumarinta iyo kaabayaasha dhaqaale ee dalka uu heer hoose marayo [TIISA DARYEELAA TU KALE K DARA]

Mudahaaradkii shalay ka dhacay magaaladda Qardho ayaa wararka aanu ka helayno sheegayaan in uu   istaagay mudaharaadkii salaada Jimce ka dib ka bilowday magaaladda, iyadda oo aan la soo sheegin wax khasaare ah oo uu geystay, marka laga reebo in wadooyinka qaarkood oo uu soo gaaray burbur waxyaabo lagu gubay oo isugu jiray Taayaro iyo waxyaabo kale.

Mudaharaadyaasha ayaa waxa ay xireen wadooyinka Magaaladda, iyagga oo ugu  dambeyntii ay la hadleen qaar ka mid ah waxgaradka magaaladda oo sheegay in la joojiyo banaanbaxa isla markaana dadka aysan geysan falal amniga wax u dhimaya.

Maxamed Cabdulahi oo ka tirsan dadkii soo abaabulay mudaharaadka ayaa u sheegay Puntlandnews24 in ay shalay qeybtii koowaad joojiyeen, isaga oo xusay in maalin walba oo jimce ah ay caadeysan doonaan isu-soo bax ilaa uu ka guuleysan doono hadafkooda ISBEDEL-DOON.

Wararka Qardho ka imanaya ayaa sheegaya in maantay halkaas lagu waday in uu gaaro Madaxweynaha dowladdda Puntland Dr.Cabdiraxman Faroole, iyadda oo uu ka baaqday sababo la xiriira arimaha mudaharaadka, iyadda oo shaki weyn ku jiro in nidaamka Xisbiyadda ka hirgeli karo Puntland halkan ka akhriso warbixin la xiriirta arimaha xisbiyadda.

Dhanka kalena waxaa wararka aanu ka helayno degaano ka tirsan Puntland ay sheegaan in la qorsheynayo  banaanbaxyo sidan oo kale ah ay ka dhacaan degaano badan oo ka tirsan Puntland, kuwaas oo looga soo horjeedo mudo kororsiga halka sanno ah ee Xukumadda Faroole waday mudooyinkii ugu dambeeyay.

Qardho ayaa waxa ay ka mid tahay meelaha sida weyn looga soo horjeedo dastuurka leysku khilaafsan yahay ee Puntland, iyadda oo dadka qaar u arkaan in dastuurka iyo nidaamka dowladda wado uu yahay mid aan is waafaqsaneyn, taasi oo loo sababaynayo warqad lifaaq ah oo ku jirta dastuurka.

Madaxweyne Faroole ayaa xilka Madaxweynaha Puntland loo doortay January-2009, isaga oo mar uu ka hadlayey baarlamaanka Puntland sheegay in tahay wakhtiga la doortay 4 sanno ayaa ka dib go’aan ku gaaray in uu ku darsado hal sanno oo dheeraad ah si xeeladeysan. 

March , 2012 ayey aheyd markii sidan oo kale banaanbax looga soo horjeedo mudo kororsiga uu ka dhacay Qardho, wallow markii dambe shirar ay yeesheen beelaha degaanka Qardho leysku raacay in aan wax mudo kororsi ah lagu taageerin Xukumadda Faroole.

September,2012 waxgaradka qaar ka mid ah beelaha reer bariga ayaa waxa ay soo saareen  baaq ay u jeedinayeen beesha caalamka iyo weliba Dowladda Federalka kaas oo ku saabsan in laga hortago falkasta oo wax loogu dhimayo amniga Puntland ,iyo weliba in Madaxweyne Faroole uu sameysto Mudo kordhin hal sanno ah.

Dhawaaqa ka soo baxaya shacabka Puntland iyo weliba siyaasiyiinta ayaa dadka taageersan siyaasadda Faroole waxa ay u arkaan in ay tahay arin iska hadal ah, balse waxaa tani hadii aan laga hortagin keeni kartaa in amniga Puntland uu noqdo mid faraha ka baxay.

Madaxweynaha hadda xillka haya Dr. Cabdiraxmaan Faroole ayaa dadka siyaasadiisa sida weyn u dhaliila sheegaan in uu isaga ahaa ninkii ugu horeyay ee Xukumadii Cadde Muuse ugu hanjabay in aysan ku darsan Karin Maalin, isla markaana waxa uu sheegay sanadkii 2009kii ka hor doorshadii Puntland in hadii Cadde Muuse ku darsado ay keeni karto Amni xumo, isaga oo Faroole ku dhaartay in uu dalka Madaxweyne ka ahaado 4 Sanno. Halkan ka Daawo

Puntland ayaa waxa ay ka mid tahay degaanadda amniga lahaa 14 Sanno ee ugu dambeeyay, iyadda oo Xukumadda hadda joogta  haysay mudo 3 sanno iyo sagaal bilood ah, dadka inta badan la socda siyaasadda Puntland ayaa sheega in shacabka reer Puntland yihiin dad jecel amni iyo kala dambeyn.

Balse waxa  ay inta badan ka horjeestaan nidaam walba oo lagu doonayo in xoog loogu maamulo, sanadkii 2001dii ayeey aheyd markii sidan oo kale looga horyimi Madaxweyihii hore ee Puntland AUN Cabdulaahi Yusuf Axmed, oo sanadkii 2004tii loo doortay Madaxweyihii ugu horeyay ee dowladda Federalka Soomaaliya.

Yuusuf Hajji
Puntlandnews24
Editorial Team