Isku xiraha Walalaha Puntland oo hawada soo galay

Dhawaan waxaa hawadda si rasmi ah loo soo geliyey Website lagu magacaabo isku xiraha walaalaha Puntland www.1puntland.com kaasi oo ay hirgeliyeen dhalinyaro reer Puntland ah oo ku nool gudaha iyo dibadda Dalka.

Pageka isku xiraha Walalaha Puntland ayaa waxa uu yahay mid u sameysan sida FACEBOOK, Pagekaan ayaa loogu talo galay in uu ka qeyb qaato ka shaqeynta horumarka Puntland,sida Waxbarshada,caafimaadka,nabadgelyda iyo weliba in ay isku xirnaadaan guud ahaan shacabka Puntland, si ay u xoogeysto ONE PUNTLAND.

Eng. Axmed Khaalid Cali Xundhur oo ah asaasaha Pagekaan ayaa u sheegay Saxaafadda in ujeeda ugu weyn ay ka leeyihiin ay tahay sidii shacabka Puntland ay isugu xirnaan lahaayeen isla markaana leysaga kaashan lahaa horumarka degaanadda Puntland.

Eng. Khaalid oo ah nin dhalinyaro ah oo ka soo jeeda Goboladda Puntland ayaa waxa uu waxbarshadda heerka Masterka ka diyaariyey Jaamacadda University Putra Malaysia (UPM) ee Dalka Malaysia ku taal, isaga oo ah Injineer ka shaqeeya hirgelinta horumarka Soomaaliyeed.

“ Haa Ujeedada ugu weyn ee aan u asaasay pagekani waxaa weeye, sidii aan isugu xiri lahaa walalaha Puntland oo  ah dad hal mid ah 1puntland oo  aan sina u kala maarmin, waxaana xoojin doonaa horumarka dalkeena” ayuu yiri Eng. Axmed Khaliid.

Sidoo kale webka ayaa waxaa ka qeyb qaatan doona isku xirkiisa dhalinyaro ku sugan Gudaha Puntand iyo weliba kuwa badan oo ah qurba joogta reer Puntland ee ku nool dalka dibadiisa, taasina ay xoojin doonto sidii Puntland ay u noqon laheyn mid ku dhisan hanaan wada shaqeyn.

Axmed ayaa sheegay pagekani uu yahay midkii ugu horeyay ee sidan oo kale ah oo ka qeyb gala isku xirka reer Puntland, waxa uuna buuxin doono kaalin weyn oo ah sidii dadka wada dhashay ay u noqon lahaayeen kuwa mar walba ka shaqeya horumarka degaanadooda, kaalin muuqtana uu ka geysan doono sidii degaanka wax loogu qaban lahaa.

Mohamed Aadan oo isagana ka mid ah dhalinyaradda www.1puntland.com ayaa u sheegya Saxaafadda in ay xoojin doonaan sidii ay isugu xiri lahayeen shacabka Puntland ee ku nool gudaha iyo dibadda, isla markaana Pagekan uu u noqon lahaa mid ka qeyb qaata horumarka degaanka.

www.1puntland.com ayaa la filayaa hadii uu ku guuleysto ujeedooyinka loo asaasay in sidoo kale uu ka qeyb qaato sidii wax loogu qaban lahaa shacabka Puntland, gaar ahaan sare u qaadida waxbarshadda caruurta,Caafimaadka, iyo weliba nabadgelyadda.

Waxaa durba soo baxeysa taageeryaasha sida weyn u taageeray hirgelinta Pageka www.1puntland.com ee ku sugan gudaha iyo dibadda, kuwaas oo u arkay hirgelintiisa in ay timi wakhti loo baahnaa, si ay uga qeyb gasho hore u socoshadda Puntland.

Xubinmadda Pagekan ayaa ah mid Lacag La’aan ah oo qof walba uu si free ah xubin uga noqon doono, sidoo kale waxaa pageka uu tixgelin weyn siinayaa Ilaalinta anshaxa wanaagsan ee Shareecadda Islaamka, waxa qof walba xor u yahay in uu fikradiisa ku soo bandhigo si xor ah.

Dhanka kalena waxaa uu sahlayaa in Shacabka Puntland ay ka kaaftoomaan isticmaalka Facebook si ay halkaani isku dhaafsadaan dhammaan xogaha muhiimka.

Wixii Faah faahin ah kala Xiriir

Xafiiska warfaafinta
info@1puntland.com
Bosaso,Somaliya

Faafin:Puntlandnews24.com