Ka Tanaasulid Xubinimadii Golaha Wakiilada Puntland 2009 – 2012
November 29, 2012 // Announcement, Warar SomaaliDAWLADDA PUNTLAND EE SOOMAALIYA
Bismillaahi Raxmaani Raxiim 28/11/2012
Ku; Guddoomiyaha Golaha Wakiilada Dawladda Puntland…………………..Garoowe
Ku; Guddoomiye Ku-xigeenka 1aad ee Golaha Wakiilada DPL………………Garoowe
Ku; Guddoomiye Ku-xigeenka 2aad ee Golaha Wakiilada DPL………………Garoowe
Ku; Dhammaan Xubnaha Golaha Wakiilada DPL……………………………..Garoowe
Og; Suldaan Cabdirashiid Muuse Shire…………………………………………
Og; Saxaafadda Madaxa Bannaan Guddaha iyo Dibeddaba……………………Fadhigooda
Ujeeddo; Ka Tanaasulid Xubinimadii Golaha Wakiilada Dawladda Puntland.
Mudane Guddoomiye, Mudanayaal iyo Murwooyin,
Waxaan marka hore idin ku salaamayaa Salaanta Islaamka Asalaamu Caleykum Waraxmatullaahi Wabarakaatuhu, Bacda salaam waxaa mahad dhammaanteed u sugnaatay Allaha weyn ee inagu manaystay nimcooyinka badan ee aan la soo koobi karin.
Mudanayaal, waxaan halkaan idiinku soo gudbinayaa qoraalkan faahfaahsan ee aan ku soo gudbinayo aragtidayda la xiriirta ka tanaasulidda xubinimada Golaha Wakiilada, anigoo ah Cabdiweli Muuse Shire, taas oo ah saddex qaybood oo isku xiran;
Qaybta 1aad
Xeerarka Dastuurka ku Qoran ee aan weli la dhammaystirin, oo ay ka mid yihiin.
QODOBKA 5aad
DADKA
5.2 Xeer u gaar ah ayaa qeexi doona Puntlandernimada, xaqa deganaanshaha iyo kasbashada meeqaanka Puntlandernimada.
QODOBKA 6aad
TIROKOOBTA
2. Xeer gaar ah ayaa tilmaami doona waqtiga iyo habraaca tirokoobta.
QODOBKA 12aad
SINNAANTA DADKA
3. Dastuurka ayaa damaanad qaadaya xuquuqda dadka laga tirada badan yahay.
QODOBKA 16aad
XORIYADDA DHAQDHAQAAQA
2. Sharci iyo xeer-hoosaadyo u gaara ayaa caddayn doona xadaynta xaqa dhaqdhaqaaqa.
QODOBKA 32aad
WAXBARASHADA
32.12 Xeer gaar ah ayaa nidaaminaya waxbarashada gaarka ah.
QODOBKA 34aad
AGOOMAHA, CURYAAMADA, GARAAD-DHIMANKA IYO DADKA GABOOBAY
34.3 Xeer gaar ah ayaa qeexaya dadka loo aqoonsanayo in aanay is daryeeli karin.
QODOBKA 54aad
KHAYRAADKA DABIICIGA AH
54.5 Qaabka saami-qaybsiga khayraadka dabiiciga ah ee Puntland waxaa qeexaya xeer gaar ah oo uu Golaha Xukuumaddu u gudbinayo Golaha Wakiilada si uu u ansixiyo.
QODOBKA 55aad
ILAALINTA DEEGAANKA
55.7 Xeer gaar ah ayaa nidaamin doona ilaalinta deegaanka.
QODOBKA 86aad
CIIDAMADA NABADGELYADA
86.2 Xeer gaar ah ayaa nidaaminaya dhismaha iyo waajibaadka ciidan kasta.
QODOBKA 88aad
GUDDIGA CULIMADA DIINTA
88.d. Xeer gaar ah ayaa hagaya hawlaha xubnaha guddiga culimada.
QODOBKA 94aad
MAXKAMADDA DASTUURIGA AH
94.10 Xukuumadda ayaa diyaarinaysa xeer gaar ah oo lagu qeexayo dhismaha, habka iyo awoodaha Maxkamadda Dastuuriga ah, waxaana ansininaya Golaha Wakiilada dhismaheeda ka hor.
QODOBKA 95aad
AWOODAHA IYO XILALKA MAXADDA DASTUURIGA AH
95.6 Xeer gaar ah ayaa qeexaya sida Maxkamadda Dastuuriga ah ay u gudanayso xilkeeda.
QODOBKA 111aad
BANGIGA DHEXE
111.4 Qaab-dhismeedka iyo nidaamka uu ku hawlgalayo Bangiga Dhexe, waxaa qeexaya xeer gaar ah oo Golaha Wakiiladu ansixiyo.
QODOBKA 117aad
MAGACAABIDDA DIFAACAHA XUQUUQDA AADANAHA
QODOBKA 120aad
BAAHINTA MAAMULKA GOBOLLADA IYO DEGMOOYINKA
120.5 Kala xadaynta awoodaha maamul iyo canshuureed ee Dawladda Dhexe, Gobollada iyo Degmooyinka waxaa lagu qeexayaa xeer gaar ah.
QODOBKA 128aad
SHAQAALAHA RAYIDKA AH EE DAWLADDA
128.4 Sharciga ayaa caddaynaya shaqaalaha aan Xisbiyada Siyaasadda ka qaban karin mansabyo hogaamineed.
Qaybta 2aad
Nidaamka Xisbiyada Badan.
Waxaan is leeyahay ka maagista Nidaamka Xisbiyada badan ay shacabka Reer Puntland ka maageen waxaa u sabab ah Qodobo Dastuurka ka mid ah oo mugdi ku jiro, waxaana ka mid ah.
QODOBKA 46aad
XISBIYADA SIYAASADEED
46.1 Dawladda Puntland waxaa lagaga dhaqmayaa nidaamka Xisbiyada badan.
QODOBKA 56aad
HANNAANKA DAWLADDA
Hannaanka Dawladda Puntland waa baarlamaani, Madaxweynaha iyo Madaxweyne ku-xigeenkana waxaa dooranaya Golaha Wakiilada.
QODOBKA 64aad
AWOODDA GOLAHA WAKIILADA
64.8 Goluhu waxa uu dooranayaa Madaxweynaha iyo Madaxweyne ku-xigeenka, oo lagu dooranayo, si shakhsi, sinnaan, toos ama qarsoodi. Marka 1aad iyo marka 2aad waa saddex meelood laba 2/3 tirada guud ee Xubnaha Golaha Wakiilada, marka 3aadna waa hal dheeri.
QODOBKA 78aad
SHURUUDAHA DOORASHADA MADAXWEYNAHA IYO MADAXWEYNE KU-XIGEENKA
78.2 Musharixiinta jagada Madaxweynaha ama Madaxweyne ku-xigeenku waxay ka imaan karaan Golaha Wakiilada iyo Dadweynahaba.
Mudanayaal iyo Murwooyin, waxaan shaki ku jirin in dhammaan Xeerarka iyo qodobada kor ku xusan ay yihiin kuwii aynu Shacabka Reer Puntland wakiilka uga ahayn, kuna huwaneyn magacyada kala ah
- Golaha Xeer Dejinta Puntland ama
- Golaha Wakiilada Shacabka Puntland
Waxay su’aashu tahay yaa lala sugayaa, mase garawsanahay in muddadii aynu joognay aan hirgelin karnay dhammaantood ama qayb ka mid ah. Magaceenna iyo hawlkarnimadeenu ma isu dheelitirmaan.
Ma doonayo in aan jawaabta keligay bixiyo, waa mid inoo wada taal.
Qaybta 3aad
Waxa igu kalifay ka Tanaasulidda Xubinimada Golaha Wakiilada.
- Dhammaan Guddoonka iyo Xubnaha Golaha Wakiiladu waa saaxiibaday aan muddo soo wada shaqaynaynay.
- Waxaan ku kala ragti duwan nahay fikirka, taas oo ah Dastuuri sida ku cad
QODOBKA 14aad
XORIYADDA FIKIRKA
14.2 Qofku waxa uu fikirkiisa ku cabbiri karaa qaab hadal, saxaafadeed, qoraal, muuqaal, suugaan iyo habab kale oo sharciga iyo anshaxa waafaqsan.
- Maadaama saaxiibaday badan ay dhibsadeen fikirkayga, ay waxna ka dhagaysteen saxaafadda waxna ka dheehdeen Webabka.
- Maadaama ay talooyin badan oo ay iisoo jeediyeen aan ku kala aragti duwanaanay.
- Waxaan go’aansaday in aan ka tanaasulo Xubinimada Golaha Wakiilada DPL, Dhammaan Golahana waxaan ka codsanayaa in ay iga aqbalaan, sida ku xusan
QODOBKA 62aad
Sababaha lagu lumin karo Xubinimada Golaha Wakiilada
62.1.J Xubintu ay istiqaalad keento, Goluhuna ka aqbalo.
Qore; Cabdiweli Muuse Shire
Waqtigan kulul ee ay kujirto Puntland, waxay u baahan tahat Xildhibaano badan oo diida Xaqdarada dadka iyo dalkana u hiiliya.
Shaqo katagida Dhamuuke waxay kamar qaati tahay in damiirkiisu siin waayey ,inuu kamid noqdo waxa waqtigan kasocda Puntland isagoo xasuusan dhaartii uu maray iyo xilkii uu uqaaday shacabka reer Puntland ,Waxaan kutilmaami karaa tilaabo kudayasho Mudan, waayo wuxuu u hiiliyey Dalka iyo Dadka. wuxuu diidey Musuqmaasuq iyo Mudo Kororsi.
Dhamuukana waxaan kuleeyahay waad ku banaantahay ALLE ha u Naxariistee Suldaan shire faray , Good Lucky Sir.
Qof damiir leh xil kama qaban karin Maamulka hadda jira, waayo waa maamul musuqmaasuq iyo ku tagri falasho awood ku dhisan.
umana adeegayo danaha shacabka Puntlanders-ka ah iyo kuwa ku hoos nool.
Anigu si fiican ayaan ula socdaa waxa ka jira Maamulka gudihiisa,waan la soo shaqeeyey, sida walaalkay Dhamuuke oo kale ayaan is kaga casiley jagadii aan ka hayey Wasaaradda Waxbarashada ka dib markii aan in badan ku celceliyey iyaguna igu dibsadeen Madaxdii iga sarreysay ee uu Wasiirku ku jiro in aanan wasaaradda u iman nafac doon ama jago raadis ee aan u imid in aan wax u qabto Dadka Baahiyada Gaarka ah Qaba ee walaalkay Dhamuuke ku soo qaatay Qodobka 34aad ee Dadka Liita.
Sidaas ayaana laga rabaa Mudaawin kasta oo damiir leh oo Puntlander ah.
walaal dhamuuke runtii waxaan odhan karaa markiisii horeba waxa uu ka mid ahaa tirada yar ee xildhibaanada ah een meesha u tagin jagodoon ama nacfidoon ee u tagay matalaadda beesha maskabkan aw maanta iska casiley u igmatay runtii waa tallaabo ku dayasho u baahan mahad ballaadhana waan u soo jeedinayaa…
Alaylehe waa LIBAAX LIBAAX DHAY haduu yiri dhamuuke aniga iyo ninka afka dhurwaaga leh is fiirsan mayno saas ayaa laga raaba kuwa kale
Waa kugu soo dhawynaynaa garshadaada iyo feejignaata aad u leedahay ilaalinta dastuurka jiray iyo dareenkaaga aad la wadaagayso shacbka waayay himilidoodii…ka daali mayno in hoyga qardho aan ku boorino inay tahay hooyada dareenka ummada.
waa halbowlah dimoquraadiyada puntlaand waa wehelka shacbka marka laga eego xaga dareenka.
Puntlaand waxay u baahan tahay maanta hogaan ka hufan qabyaalad oo leh higsasho iyo hogaamin balaaran .waxaan ku boorinayaa inay ifiyaan reer qardhood oo maaanta eegaan waxii ka lumay puntlaand, qasaarihii hogaamiyayaashi horena ka feejignaadaan ..qolo waliba dhaliil bay leedahay ,haynagu soo basbasynina Samatar inta Faroole diidaan.
kaa kow dheh wax damiir leh oo kale ma hareen mise caada-qaatayaal baa loo batay. waxan la yaabay show dastuurba innooma qorna ooo afarta boqol iyo xaaxaabkii laysugu yeeray garowe maxay ansixiyeen. war annaga belo aragnay!
Waxad sameysay dhamuke manta waa taarikh aad u qurux badan tarikhda puntland ayaa ku xusi doonta kuwa kale e dhimana kalsonida haku so ceshan beelihi hore u so magacday ama tarikh xun uga taga dadka rer puntland oo kala doorta farole iyo dadka rer puntland ay ku jiran qabiladi idinso dortay iyo goboladi codka u raadsan lahayden
Waa Shaqsi jecel Puntland oo baaba eeda neceb aad ban kuugu hambalyeynenaa MUDANE cilkaagi siwanaagsan baad ugudatay ninkay kuhartay howlihaysaa!
Waxan xil dhibaanada kale kasugayna in ay sharciga dhowraan iyo qawaaninta udagsan Puntland hadii kale waxay lamid noqonayaan kuwa wanted ka ah ee looyaqaano AARAN JAAN iyo Faroole iyo wiilashiisa.
AAD AYUU U MAHADSANSAN YAHAY MUDANANUHU,WAXAANA ORAN KARAA WAA XILDHIBAANKII UGU HORAYEY OO AAN ARKAO ISAGOO WAX DHALIILAAYA.
LKN MUDAHANAHA WAXAA MODAA ARINKAN IN UU LA ASOO DAAHAY OO AYSAN AHAYN WAQTIGII KU HABOONAA HADII UU WADANI DHAB AH YAHAY WAXUU KA HADLI LAHAA 4SANO OO UU MEESHA JOOGALAY LKN HADDA WAXAAN U FAHMAYNAA MID SIYAASADI KA DANBAYSO OO GADAAL LAGA RIIXAAYO.
WAAN KU MAQALNAY DHALIISHADA LKN WAA LA SOO DAAHDAY.
hambalyo xildhibaan inkastoo markii golaha wakiilada qabaa’ilka qaarkood (puntland parlimdnt) wakhtigii ku ekaa 31.11.2012 aad is-casishay waxaanse leeyahay: dugi kama dartee waa lagu durkaa.
Duf alle kubad dhamuuke, awalba caaqibo maadan lahayn oo markii reerku kuu soo direen Parlaman Puntland ayay khaldanaayeen!!
sidaas oo kale baa laga rabaa dhamaan waliilada.
Hambalyo Xildhibaane waad ku mahadsantay
fikirkaaga xaq baadna uleedahay in aad iscasisho waana dhaqmada dadka wanaagsan ama
wadamadda siyaasadoodu horumartay lagaga dhaqmo siyaasigu uu iscasilo markuu arko in lagu dhaqmaayo wax uusan sax u arkin meeshay ay siyaasiyiintu ka fekeraan maxaad cuntaa.