Sarkaal sare oo ka tirsan booliska Puntland oo Garoowe lagu dilay

Allaha u naxariistee waxaa caawa salaadii maqrib kadib tacshiirad lagu dilay taliye xigeenkii 2-aad ee booliiska Puntland Col.Cabdullaahi Saalax.

Marxuumka ayaa xiliga la dilayey wuxuu watay gaarigiisa, waxaana la saarnaa qof la socday oo dadka qaarkiisna ku sheegeen qaraabadiisa.

Dadka dilka ka geystay ma ahayn dad wajigooda soo qariyey, waxayna la dhaceen ilaa 5 xabadood.

Warar hordhac ah oo soo baxaya ayaa sheegaya in Col.Cabdullaahi Saalax shaqadii booliska Puntland shalay laga qaaday kadib markii xurguf dhexmartay isaga iyo Abdisamad Cali Shire ku-simaha madaxweynaha Puntland.

Amaanka Puntland ayaa sii xumaanaya, iyadoo isla maanta dil kale uu ka dhacay magaalada Gaalkacyo, qofka la dilay ayaa ahaa nin si fiican looga yaqaanay magaalada.

Dhowr habeen ka horna waxay dabley hubaysan weerar ku dileen xeer-iaaliye maxkamadeed oo lagu magacaabi jiray Bashiir Garas.

Madaxweynaha dowlada Puntland oo billihii u dambeeyey safaro ku marayey dalka dibadiisa, ayaa haatan ku sugan magaalada Dubai, iyadoo safarka madaxweynaha Puntland uu dalka kaga maqan yahay ay ku soo aadeyso iyadoo amaankii iyo dhaqaalihii Puntland laba-daba ay dood adagi ka keeneen xildhibaanada Puntland,oo dadweynaha Puntland waxna ugu toorneyn, laguna tuhunsanaa inay yihiin shaqaale daacad u ah xukuumada oo wax walba ku raaca khalad iyo saxba. Laakiin aad hada moodo inay boorka iska jafayaan, hase yeeshee waa xilli uu gabaabsi yahay jiritaankoodii sharciyeed.

Xasan Maxamud [Limo] 

Puntland News-24