Tala bixin ay soo Jeediyeen waxgaradka Puntland ee Australia:-kuna aaden xukuumada wakhtigeedu ku ekaa 8-Jan-2013

Waxaan in badan ka soo jeedinnay dumar iyo ragba talo wax tar ah oo aan u soo jeedinnay bulshada, maamulka wakhtigiisu dhammaday, Odayaasha, Ciidamada iyo aqoonyahannada reer Puntaland, si sida ku habboon wax loogu saxo, dadkayaga iyo dalkayaga aan u badbaadsan lahayn loogana talin lahaa wanaagga, waxaanse dareemaynaa in sida loo wajahayo ay ka duwan tahay sidii xalku ku jiray, taasinaay nagu khasbtay in aan qoraal mar kale soo gudbinno.

Taariikhdu waa mid qormaysa oo aan cidina joojin Karin qofkastana waxa uu qabto shacabkiisa ayaa uga markaati furi doona, haddiise intaad wax yar qabato aad geysato dhib ka sii weyn dadku xaq bay u leeyihiin in ay yiraahdaan enough is enough intaas ka badan ma xamili karno, markay saas yiraahdaanna xaq bay u leeyihiin in ay isbeddel helaan ama waxa khaldan la saxo, taasi haddii ay san dhicin oo qofka wax saxaya loo arko in uu khaldan yahay waa nasiib darro haysata dadka u haysta in maamul saas lagu sii haysan karo waana khaldan yihiin.

Community micneheedu waa dad meel ku wada nool wada deggan hadba intii isku dan ah iyo intii isku aragti ka dhaxayso baana ku midooba, markaan soo gudbinaynno talo ama aan ayideenno mid cid fakraddayada ugama amar qaadanaynno, talada puntaland dadka u dhashay bay ka wada dhaxaysaa ama mucaarad ha ahaado ama mu’ayid ha ahaadee, haddaba dadka moodaaya in ay wax saxayaan oo taladu ka kala daadsan tahay waxaan u soo jeedinaynnaa, in ay puntalandi nooga wayntahay wax kasta, qofka qalad arrintaas u arkaay oo difaaca khaladkana waxaan u argnaa sabab uum baa ku kalifaysa in uu xaqa iska indhatiro, waxaase haboon in aan meel dhow wax laga fiirin ee aragtidu ay intaas ka fogaato.

Midda kale haddii aad isku daydo guri aan tiirar adag lahayn intaad dhisto in aad korka ka rarto ma sii waaro, yaan la dumin puntalandi sababaha ay ku dumi karto waxaa ka mid ah:

1.In Gobollo aan jirin la yiraahdo doorashaan u diyaarinaynnaa, bal ha la helo gobollada dastuurku xusay oo qaar maqanyihiin..

2.In Xisbiyo aan loo bislayn dadka lagu hoggaamiyo taasoo aan marnaba xaaladda lagu jiro aan ku haboonayn, sababta oo ah howl badan ayaa ka horreysa.

3.Dadka reer Puntaland qabiil bay ku habaysnaayeen, qolo walbana hubkeeda ayay haysataa, xurguf yer oo ka dhexdhacda ayaa intaas oo qof ku dhiman kartaa.

4.Tirada dadka lama yaqaan wakhti badan ayayna u baahantahay.

5.Aqoonsi qofka codka bixinaaya waa lagama maarmaan, mana jirto

• ·oo tira koobka ayey ku xiran tahay in la ogaado dadka ku nool puntland, oo codayn kara.

1.Cabashada dadka iyo caburinta si joogta ah ayaad uga maqashaan warbaahinta waddanka iyo tan caalamkaba ama dadka ku nool dalku ay ogyihiin, tusaale waxaa noogu filan maqaalka ku qoran raxanreeb hooyada carruurta saddexda ah haysata oo aan shaqayn ninkii u shaqaynaayeyna uu xiran yahay labada sano oo la yiri dambi laguma haysto haddana wali xiran, hooyadaasi haddii ay khaladka sheegto hadii loo arko in ay wax khaladay sow aakhiro iyo adduun ka dheeraansho maah, saas wax ma ku sixi karna, please be realistic.

1.Wararka is dhaaf dhaafsan oo ka imaanaaya Madaxweynihii hore oo ku saabsan dastuurkii iyo wakhtiga doorashadiisa oo marna leh waa Afar sano wakhtiga laygu doortay marna leh waa shan sano, waa arrin lala fajaco inqof mas’uul ihi yiraahdo hadal mid burinaayana yiraado marka ku xigta, waxa xilka loogu dhaarshaa qofka mas’uulka ah waa in uu run sheeg ahaado, xaqa raaco aaminna yahay, haddii qodobadaas mid ka mid ah uu jabsho mas’uulkaasi addunka dadkaa kula xisaabtamaya aakhirana Allaah subxaanalahu wa tacaalaa ayaa kula xisaabtamaaya.

1.Garoowe waa magaala madaxdii Puntaland State, ka celinta odayaasha xalka doonaayey iyo xirxiridood sow uma muuqanayso macneheedu in aan loo dhexeyn oo ay tahay degmo caadi ah sowse wax ma sii xumayn,

Marka waxaan talo ku soo jeedinaynna haddii wax khaldamaan si qoto dheer baa loo saxaa si ayan u soo noqon khaladku, xalse haddii loo arko guriga boosaaso ku yaal tiknikada hortaagan, waa khaladkii hore mid ka wayn.

Sidas aawgeed waxaan talo u soo jeedinaynaa Maamulka wakhtigu ka dhammaaday

Soomaaliye horay dagaal ugu soo gubatay mana doonaynno dagaal ee Cabdiraxmaan faroolow beddel la taliyayaashaada dadka aad talada ka qaadanayso ama weydiinayso waa kuwa wax ka khaldan yihiin, wakhtigii waa kuu dhamaaday ee sida laguu ixtiraamay oo dhowr maalmood lagaa warsugayo tix gali xukunkana dhexdhig ummaddu qofkay raalli ka yihiin ha doorteen.

Haddii walwel kaa hayo in cid wadi karta ay xilka ay adag tahay

War cad annagaa ku siinaynna oo ku leh, kuwo badan oo wax soo bartay khibrad leh

Imaan leh maamulyaqaan ah ayey leedahay puntaland habaar weeye hadaan niraano waa adagtaay marka saas ula soco, haddiise xaalku yahay ku arkay oo kaama dogo

Hortaa jirba waa, dad awood ilaahay siiyey ayey u suura gali weyday oo ku dambeeyey meel uu ka shallaayey, annagu taladeenna waa soo gudbinaynnaa qadashadeeda iyo diidmadedu aday kuu taallaa, annaguse gudannay waajibkii wadaniga ahaa.

Waxaan u soo jeednaynnaa dadka yar oo sida indha la’aanta ah u taageeraaya dowladda wakhtigedii dhamaaday oo aan arkeyn khaladka in ay isasaxaan oo ay arkaan dadka dhibaatadu ku haysato magaalooyinkii ay u dhasheen oo ku dulman,ku xiran oo iyaga oo awood u leh in ay iska rogaan dulmigaas ku xaqdhowraayey dowladnimada iyo iyagoo og dagaal faa’iido darridiisa sababta oo ah wiil baa ku dhintee wiil kuma dhasho.

Waxaan halkaan uga soo jedinaynaa hambalyo iyo bogaadin dadka qoraalada talada tusaalaha iyo murtidu ku dheehanthay intaas soo qoraaya, isla markaasna ka tala bixinaaya sida wax u khaldan yihiin iyo sida loo sixi karo, fakradda kaa maqan walaalkaa bay ku jirtaa ee ka faaiidaysta ayaan ku talinaynnaa dadkaas oo kala jooga waddanka gudihiisa iyo dibadiisaba dareemikarana dhibka jira, waxaana sheegi doonta taariikhda qofwalba meeshuu ka istaago iyo sababtii ku kaliftay mowqifka uu istaagay.

Mucaaradka gudaha waxaan kula talinaynnaa in aad umaddaasi sidii ay dhibka uga badbaadilayd ay ka shaqeeyaan, waxculays u keeni kara ama sii kordhin kara xanuunkoodana ayan ku fakarin, ogaadaanna nabadda iyo midnimadu in ay wax kasta ka qaalisanthay, dadkuna yey noqon qorigii labada dhinac ka gubtay, waa dadkeennii iyo dalkeennii waxaad rabtaan in aad wax u qabataan marka wax kasta ka hormariya in xal saliim ah la raadsho.

Gabagabo.

Waxaa u rajaynaynna shacabka Puntaland ee Soomaaliyeed in Ilaahay

Ka ilaaliyo dhibka, wixii aan dantooda iyo nololwanaagooda aan rabinna Ilaahay ka badbaadiyo, xaqana Allaha tuso kuwa aan garanayn.

Odayaasha: Waxaan halkaan ka soo jeedinaynnaa hambalyo ku wajahan dhammaan dadka ra’yiga saliimka ah soo qoraaya, Odayaasha sida aan hagarta lahayn xalka u raadinaya oo aan ka caajiseyn iyo shacabka Dulqaadka badan ee reer puntaland oo aan leenahay Ilaahay idinku qadin mayo dulqaadkiinna wax garadna waa ka buuxaa shacabkeenna ee dulqaata raallina ahaada. Waxaan kale oo aan hanbalyo u direynaa Guduga Pabaadinta Puntland oo sida wacan isu habeeyey kana ay go antahay in ay Puntland badbaadiyaan

1.Cisman Bulhan Boqor Cisman

2.Abwaan Salaad Mahamed Hassan(Abwan Tintiin)

3.Dahir Mahdi Nur Islan(Dahir Ogaden)

4.Bashiir Shire Abdulle

5.Liban Macawisle

6.Ali Qaalib Saed

7.Mukhtaar faarax Ali Adde

8.Abdinaasir Abaas Nur

9.Haashi Xirsi Sa’id

10.Cabdulqaadir Diite

11.Abdirahmaan Mahamed Xirsi Gurac

12.Sadiq Cumar Xayd Dheere

13.Abdikarin Abdulqadir Kadiye

14.Cabdulqadir Faarax Baashane(Nabadonka Beesha Isxul ee CM)

15.Cumar Ahmed Islaweyn

16.Garaad Cabdirisaaq Cali Gurxan

17.Cabdulqaadir Mahamed Abdalle

18.Mahamed Xaaji Warsame

19.Faarah Abdi Faarax

20.Ali Ahmed Ali

21.Cabaas Ahmed Maxamud Ali

22.Ali Jaamac Ahmed

23.Khadar Abukar Xuseen

24.Cismaan Ahmed Mahamud

25.Abdixakiin Xaashi Faarax

26.Axmed Xaashi Faarax

27.Sahro Sheikh Mahamud

28.Shukri Ahmed Ali

29.Halimo Sheikh Mahamud ( Halimo Kaaraan)

30.Hooyo, Cadar Ahmed Muuse Cawl ( Maamo Cadar Odawaa)

31.Hawo Ahmed Jamac Buux

32.Sacdiya Cabdirisaq Sandheere

33.Shugri Cabdiqani

34.Luul Sheikh Mahamud

35.Safia Nur Hussein Horeeye

36.Luul Cabsi Ciise

37.Amina Hashi Farah Canbar

38.Ubax Hashi Farax Canbar

38.Sahro Hassan Tumey

39.Ardo Ahmed Nur

40.Halimo Hassan Hussein

41.Fadumo Jamac Gurac

42.Hawo Cumar Farah

43.Amina Xaashi Carab

44.Cabas Ahmed Islaweyn

45.Maryan Ahmed Mahamud Hassan

Australia